Hæhæ!

Veit ekki hvort það er einhverjir sem kíkja hingað inn lengur en ef það er einhver þá Surprise! Loksins eitthvað nýtt

Ég var alveg ótrúlega glöð í nótt þegar ég vaknaði til þess að gefa snúllunni minni snuðið sitt. Ég fór og opnaði gluggann, þá var þessi líka flotta snjókoma. Ohhh I LOVE IT! Ég vona svo heitt að snjórinn fari ekki strax. Ég komst bara í þvílíkt jólaskap, ég sem er búin að vera að reyna að halda í mér til nóvember hehe enda þekkt fyrir að byrja að föndra í september. Jólin eru bara svo yndislegur tími og mikið hlakka ég til að halda jólin heima hjá okkur. Við erum búin að bjóða foreldrum mínum og systkinum í mat á aðfangadag og okkur hlakkar alveg ofboðslega til. ....Ég ver bara svo mikið jólabarn! Ég hlakka svo til að upplifa jólin með Særúnu Lilju minni. Hlakka svo til að sjá hvernig hún verður þegar hún sér öll ljósin og jólatréð og opnar pakkana. Ohh bara yndislegir tímar framundan.

En af okkur litlu fjölskyldunni er allt gott að frétta. Særún Lilja dafnar ekkert smá vel. Hún er algjör orkubolti og alveg rosalega skemmtileg stelpa. Hún heillar alla uppúr skónum. Við keyptum prinsessubíl handa henni í síðustu viku og hún er ekkert  lítið montin með hann. Hún er farin að hlaupa með hann bara sætust sko. Hún fer samt varlega, heldur í stýrið og haldfangið og er með bílinn þvert fyrir framan sig og brunar af stað. Hún er svo dugleg, hún labbar allstaðar meðfram og stendur allstaðar upp við. Hún klappar saman lófunum og það heyrist svaka smellur, vínkar bless, sýnir hvað hún er stór og sterk. Bara flottust þessi elska.

Við hjúin erum búin að vera saman í 5 ár 2. nóvember og ætlum því að skella okkur út að borða í tilefni þess. Ætlum líka í leikhús eða bíó á eftir. Mamma ætlar að vera hjá prinsessunni á meðan. Við höfum ekkert farið saman út eftir að hún fæddist svo það verður eitthvað skrýtið en ábyggilega rosa gaman.

Vitiði ég er bara komin í brjálað jólaskap, er búin að vera þvílíkt dugleg að halda í mér en núna þegar það er svona fallegur snjór úti þá er ekki hægt að halda í sér lengur. Langar helst að opna kassana með jólaskrautinu í hahaha

En hvað segiði, eru þið ekki í stuði? ...jólastuði??

Jæja þá hef ég loksins tíma til að drita niður nokkrum línum. Við litla fjölskyldan erum loksins flutt í fallega húsið okkar. Við fluttum 17. mars og okkur líður alveg ótrúlega vel hérna í kotinu okkar. Það er alveg eilífðar verkefni að taka uppúr kössum, við eigum alveg ótrúlega mikið af dóti og drasli. Samt hentum við helling af dóti þegar við fluttum úr Silfurtúninu til pabba. Við höfðum það alveg ótrúlega gott heima hjá pabba en það er rosalega gott að vera komin í sitt eigið aftur. Ég er ennþá að reyna að finna taktinn heheh mér finnst ég ekki hafa nógu mikinn tíma til að gera allt. Mér finnst alveg nóg að stússast í þessu venjulega s.s. setja í þvottavélina og uppþvottavélina og ganga frá, moppa yfir , þurrka af og auðvita hugsa um yndislegu dóttur mína. Þess vegna situr allt hitt á hakanum s.s taka restina uppúr kössum, hengja upp myndir og fleira í þeim dúr.

Talandi um að moppa yfir. Ó my gad!!! Hvaðan kemur allt þetta ryk? Ég get svo svarið það, það er endalaust. Áður en við fluttum inn þá var sko þvílík vel þrifið, allir veggir voru rykmoppaðir og skúrað fram og til baka. Ef ég sleppi því að moppa yfir einn dag er eins og ég hafi ekki þrifið í 3 vikur. Ég er ekki að grínast, ég var búin að heyra að það væri mikið ryk í nýjum húsum en ég gat aldrei ímyndað mér að það væri svona svakalegt.

En mig langar að tala um það sem mér þykir kærast!! Það er auðvita hún Særún Lilja. Hún er algjör snillingur þessi elska. Þann 14. apríl þá tók hún uppá því að velta sér á magann og aftur á bakið. Aðeins 3,5 mánaða gömul. Við foreldrarnir erum að springa úr monnti. Hún var bara að leika sér á leikteppinu sínu svo allt í einu var hún komin á magann og er að skoða sig í speglinu, ekkert smá sæt. Svo samkjaftar hún alveg við mann. Það er svona mánuður síðan hún uppgötvaði að hún gæti talað hátt og henni finnst það sko ekki leiðinlegt. Hún fer létt með það að yfirgnæfa sjónvarpið, bara sætust!!!

Við erum byrjuð með hana í ungbarnasundi, erum búin að fara í 2 tíma. Hún er alveg rosalega dugleg, við byrjum bara rólega. En núna getum við bara gleymt því að baða hana í balanum hennar. Hún fór í fyrsta skipti í stóra baðið í gær. Hún fékk að fara með mér í bað. Það var alveg æðislegt hún buslaði ekkert smá mikið. Steini var að taka myndir og hann varð alveg rennandi blautur hehe. Það var svo mikill kraftur í henni að það fór vatn uppfyrir skrautflísarnar inná baði. Við vorum alveg í 40 mín í baðinu og henni var sko ekki farið að leiðast. Ég hafði baðið um 38° og henni leið rosa vel í því, henni verður nefnilega alltaf skítkalt í ungbarnasundinu, er viss um að laugin sé ekki heitari en 36°, hún er allavega farin að skjálfa eftir 30 mín í sundinu greyjið litla.

Annars er nú ekki mikið að frétta sko. Er búin að setja inn fullt af myndum inná síðuna hennar Særúnar Lilju.

En já ætla bara að hafa þetta gott í bili.

Góðan daginn kæru vinir. (veit þið lesið þetta á morgun)

Ég hef nú ekki verið alveg sú duglegasta að blogga því móðurhlutverkið er í fyrsta sæti. Þetta er ekkert smá skemmtilegt hlutverk að vera mamma. Ég á svo dásamlega dóttur sem var skírð á laugardaginn og fékk hún nafnið Særún Lilja. Særún Lilja varð 7 vikna í gær og er alveg ótrúlega dugleg og falleg stelpa. Hún byrjaði strax að halda höfðinu og er alltaf að æfa sig og getur nú alveg haldið höfðinu í nokkrar mínútur í einu. Hún er einnig farin að brosa og það er bara sætast í öllum heiminum. Svo er hún líka farin að hjala og talar og talar við mann, bara krútt. Ég er alveg ótrúlega stolt af henni enda ekki annað hægt!

Skírnardagurinn gekk eins og í sögu og var alveg dásamlegur í alla staði. Prinsessan svaf til kl. 10 um morguninn og fékk þá að drekka. Svo fórum við Steini í Keflavík í bókabúðina að kaupa gestabók, í blómaval að ná í blómaskreytinguna og svo í bakaríið að sækja skírnartertuna og snittubrauð. Prinsessan var hjá afa sínum og Írisi frænku á meðan. Svo fór ég í sturtu og svo böðuðum við litlu prinsessuna okkar. Svo fékk hún aftur að drekka kl. 13 og var alveg að drekka til kl. 13:35 þá varð ég soldið stressuð. Ég átti eftir að klæða hana og klæða mig og mála mig og skírnin byrjaði kl. 14. Ég á svo elskulega systur sem var svo væn að slétta á mér hárið á meðan ég var að gefa Særúnu Lilju að drekka. Sem betur fer var mamma mætt á svæðið og klæddi Særúnu Lilju í skírnarkjólinn. Svo þetta reddaðist alveg og við mættum á réttum tíma. Steini gerði allt hitt tilbúið á meðan. Athöfnin fór mjög vel fram og Særún Lilja var alveg ótrúlega góð, heyrðist ekkert í henni, hún lagði sig bara. Allir gestirnir stóðu í krinugum okkur sem gerði athöfina miklu skemmtilegri. Steini hélt á Særúnu Lilju og honum varð alveg rosalega heitt. Hann er mjög heitfengur og ég algjör kuldaskræfa og mér leið vel, þannig að þið getið ímyndað ykkur hvað það var heitt. Það var alveg farið að leka af honum greyjinu, en það er bara gaman af því. Presturinn sagðist sko alveg kannast við þetta sjálfur hehehe. Mamma og Áslaug systir hans Steina voru skírnarvottar.

Veislan var svo strax á eftir skírnina. Ég er alveg ótrúlega ánægð með veisluna. Salurinn var alveg æðislega flottur, Karen frænka hjálpaði okkur að raða borðunum og skreyta. Hún er sko algjör snillingur í þessu skal ég ykkur segja. Svo voru veitingarnar mjög góðar þótt ég segi sjálf frá. Ég gerði eina tegund af brauðrétt 3 stk. Dóra frænka gerði 2 stk draumatertu og daim-ræs krispís tertu. Lóa mamma hans Steina gerði 2stk brauðtertur. Mamma gerði 3 stk heitan rétt, heitan rétt með ís, súkkulaðiköku 2 stk, ræs krispís kökur, muffins, Kókos-jarðaberjatertu 2 stk. Svo keyptum við skírnarkökuna og snittubrauð og pestó. ÞAð var rosalega góðmennt og allir í góðu skapi. Það komu held ég 66 gestir í veisluna. Særún Lilja var vakandi eiginlega allan tímann í veislunni, ætlaði sko ekki að sofa af sér partýið. Hún var alveg æðisleg, leyfði öllum að halda á sér og já bara yndislegust. Svo var veðrið úti alveg frábært sem toppaði allt saman.

Særún Lilja fékk alveg helling af fallegum gjöfum. Ég vil þakka ykkur sem komu í skírnina alveg innilega fyrir stelpuna og fyrir skemmtilegan dag!

Ég er búin að setja inn fullt af myndum á síðuna hennar Særúnar Lilju, endilega kíkið á þær. Ég ætlaði að láta nokkrar myndir fylgja með en ég kann ekkert á þetta.  

Jæja ég ætla að skella mér í háttinn svo ég vakni í fyrramálið. Það eru nefnilega mömmumorgnar og þeir byrja kl. 10-12. Góða nótt

P.s endilega skrifa í komment!

Það gengur mjög vel hjá okkur. Snúllan er búin að vera rosalega góð, sefur vel á nóttunni og er mjög vær. Hún var reyndar mjög ergileg um daginn og við höfðum smá áhyggjur af henni og hringdum því í mömmu/ömmuna og hún bjargaði málunum. Snúllan var búin að drekka soldið mikið yfir sig (skil ekki hvaðan hún fær þessa græðgi í mat) og hún var alveg útþanin greyjið litla. Amman kom og bjargaði málunum, dúllaðist með hana og svo sofnaði snúllan hjá henni. Hún náði svo að losa sig við þessi ósköp og ég gaf henni ekkert fyrir svefnin. Þurfti líka að labba um gólf með hana í nokkrar mínútur til að svæfa hana. Svo vaknaði hún eldsnemma og var búin að losa sig við meira. Greyjið litla, platar soldið mömmu sína. Hún er með svo mikla sogþörf og drekkur meira en hún þarf. Ég er nú samt búin að læra á hana núna. Málið er að stundum vill hún bara alls ekki snudduna og grettir sig eins og maður sé að bjóða henni einhvern viðbjóð hahaha bara krútt!! En hún er búin að vera eins og engill síðan, bara yndislegust!

Ég er búin að eyða hellings tíma í að búa til barnalandssíðu fyrir litlu snúlluna. Hún er loksins orðin tilbúin og komnar inn fullt fullt af sætum myndum. Á samt ennþá eftir að setja inn nokkrar. Við erum búin að vera svo ótrúlega dugleg að taka myndir af fallega barninu okkar. Hún er bara svo æðisleg! Síðan er læst og ef þið viljið aðgang þá verðiði bara að senda okkur e-mail og þið fáið leyniorðið. Slóðin á síðuna er http://www.barnaland.is/barn/55926 

Vááá ég veit ekki hvort ég þori að segja ykkur þetta en ég ætla að láta vaða. Ég er bara búin að fara út einu sinni á þessu ári. Já og það var út af sjúkrahúsinu og inn í bíl og svo út úr bílnum og inn heim. Mætti halda að áramótaheitið mitt hefði verið að fara ekki útúr húsi hahaha. Ég verð samt að fara að fara út, þetta gengur ekki. Fara í göngutúr eða útí búð eða eitthvað.

En ég ætla ekki að hafa þetta neitt lengra í bili. Endilega kvittið í komment!

Kiss Kiss :*

Lífið er yndislegt! Eins og þið flest vitið þá eignuðumst við alveg yndislega litla fallega prinsessu á nýárs morgun. Fæðingin gekk alveg eins og í lygasögu og heilsast okkur öllum rosalega vel.

Gamlárskvöld fór alveg eins og ég ætlaði að hafa það. Borðuðum kjúkling, löbbuðum á brennuna, horfðum á skaupið, skutum upp flugeldum og svo lögðum við af stað á fæðingardeildina kl. 00:35. Prinsessan var svo fædd kl 03:54. Hún var 13 merkur og 51 cm. Hún er með soldið mikið dökk brúnt hár og dökk grá augu. Hún er algjör gullmoli og erum við alveg ótrúlega ánægð með hana. Ég get varla haft augun af henni, þess vegna hef ég ekki tímt að fara í tölvuna og blogga.

Við vorum að reyna að búa til barnalandssíðu fyrir hana, en hún er ekki tilbúin. Það eru engar myndir komnar inn. Ég læt ykkur vita um leið og hún er tilbúin. Við erum alveg búin að vera ofvirk á myndavélinni, enda ekki annað hægt en að mynda svona fallegt barn.

Ég vil þakka ykkur öllum kærlega fyrir allar kveðjurnar, ekkert smá gaman að fá svona mörg comment og sms og ég tala nú ekki um símhringingarnar og heimsóknirnar. Við erum alveg í skýjunum og ég efast um að við komum þaðan niður. Hehehe Litla snúllan er bara svo mikið æði.

Ég ætla ekki að hafa þetta neitt lengra í bili.

Endilega haldið áfram að commenta. Hef tekið eftir aukinni aðsókn á síðuna mína svo nú verðiði að standa ykkur í commentunum.

Kærleikskveðjur Vallý sem er loksins orðin mamma.

Jæja núna er síðasti dagur ársins gengin í garð. Úff hvað þetta er fljótt að líða.

 Litla barnið okkar er ekki komið í heiminn ennþá. Er gengin 40 vikur og 4 daga í dag. Við sem héldum að það kæmi fyrr þarsem það var eitthvað að reyna að drífa sig í heiminn um miðjan nóvember. En neinei soldið týpíst að ég gangi framyfir svo eftir allt saman. Ég sagði á afmælisdaginn minn að ég ætlaði að eiga nýarsbarnið, Váá hvað ég vona að það komi í nótt, ég er ekki að meika mikið lengri bið sko. Ég er með 3-4 í útvíkkun og mig vantar bara verki sagði ljósan. Ég er reyndar búin að vera með verki í dag og í gær en bara alls ekki reglulega. Hef lítið sem ekkert sofið síðustu tvær nætur svo ég vona svo heitt og innilega að barnið okkar komi í nótt.

Allir að senda mér almennilega hríðarstrauma takk fyrir!!!!

Ég átti alveg yndisleg jól með fjölskyldunni minni. Við borðuðum rosalega góðan mat og fengum fullt af fallegum gjöfum. Við fengum líka fullt fullt af jólakortum og 25 stk. með mynd. Ekkert smá gaman, höfum aldrei fengið svona rosalega mikið af fallegum jólakortum áður.

 Í kvöld ætlum við að borða kjúkling, mikið hlakka ég til, ég elska kjúkling. Ég pantaði það, enda fer reyktur matur ekkert sérlega vel í mig núna. Ég vil bara fá léttan og góðan mat í mallan minn. Svo verður náttla ostar og vínber og snakk með skaupinu. Vona svo sannarlega að það sé eitthvað varið í skaupið í ár. Ég sá að vísu aldrei skaupið í fyrra því við vorum á Kanarý. Við komum ekki til með að skjóta miklu upp enda er ég skíthrædd við þessar spreingjur og rakettur. Steini og Jón Bragi fengu sitthvora tertuna og risa rakettu/tívolíbombu frá vinnunni svo get ég alveg trúað honum bróður mínum til þess að fara og kaupa sér eitthvað meira en þetta dugir okkur hinum. Svo ætla ég bara að vona að ég fari á fæðingardeildina og dvelji þar fyrstu daga ársins með litla barninu okkar og vonandi má Steini vera hjá okkur.

 Ég ætla að hafa þetta gott í bili og endilega kvittið fyrir komuna.

Áramótaknús! :*

Jæja eins og þið flest vitið þá eru bara jólin að skella á. Þorláksmessa á morgun og svo Aðfangadagur Jóla hinn. Ég hef hlakkað til þessara jóla alveg hrikalega lengi. Við fjölskyldan vorum náttla á Kanarý um seinustu jól. Það var soldið öðruvísi skal ég ykkur segja. En það var mjög gaman, mjög skemmtilegt að prufa svona öðruvísi jól í mjög góðu veðri. Við borðuðum jólamatinn á íslenskum bar sem heitir Klörubar. Þangað fara allir íslendingar sem fara til Kanarýeyja, ég held ég geti fullyrt það! Jólamaturinn var nú kannski ekki sá besti, svínahamborgarahryggurinn var soldið bragðlaus og svo var sveppasósa með. Hvað er nú það??? Hahaha mér fannst það sko engan veginn passa saman, ég vil fá sósu úr soðinu, nammi namm. Svo vantaði líka jólaölið. Eftir matinn hittum við svo fullt af fólki og sátum lengi á börunum að kjafta og skemmta okkur. Ég var reyndar búin að sjá fram á að ég mundi vera búin að eignast litla kraftaverkið mitt fyrir þessi jólin. En ég er ekki á því núna, ég held að það komi á settum degi s.s. 27. desember eftir 5 daga. eða ekki fyrr en á næsta ári. Ég stefni á fyrstabarn ársins hehehe nei djók, krílið okkar kemur um leið og það er tilbúið, ég veit það. Held samt að ég þurfi að bíða til næsta árs, það er alveg ég að fara af stað 34 vikur og ganga svo 2 vikur framyfir. Hehehe en ég vona að ég þurfi nú ekki að bíða svo lengi.

Við Steini ætlum að vera heima á aðfangadag, heima hjá pabba, Jóni Braga, Írisi og Skvísu. Borða svínahamborgarahrygg a la pabbi, sem er náttla bara snilld. Svo ætla ég að búa til marsíssósu til að borða með ísnum í eftirrétt. Á jóladag þá er mamma svo með matarboð og við mætum að sjálfsögu þangað. Held það verði soldið fjölmennt þar, allavega verða afi og langamma með okkur og svo börnin hans Klemensar býst ég við. Mamma bíður okkur uppá hangikjöt með öllu tilheyrandi og svo einhver hryllilega góðan eftirrétt. Hún klikkar ekki á eftirréttunum þessi elska.

 Ég hlakka mjög til að fá allan þennan góða mat, sitja í faðmi fjölskyldunnar og hafa það gott. Ég er búin að vera hálf einmanna undanfarið, það er svo mikið að gera hjá öllum. Allir að vinna þvílíkt mikið, aðrir á seinasta snúningi að undirbúa jólin. Ég var náttla svo tímanlega í öllu þetta árið svo ég er bara búin að vera að tjilla. Ég er bara ekki vön því að hafa svona lítið að gera. Það hefur alltaf verið kreisí að gera hjá mér á þessum tíma. Ég hef alltaf haft of mikið að gera, svo þegar maður er að bíða eftir undri veraldar þá líður tíminn ekkert alltof fljótt. Ég er líka það mikil félagsvera að ég er alveg ómöguleg ef ég kemst ekki út. Þetta fer að lagast, mér á ábyggilega aldrei eftir að leiðast þegar krílið mitt fæðist, alltaf nóg að gera, alveg eins og ég vil hafa það.

Ég vil óska ykkur öllum Gleðilegra jóla! Ég vona að þið hafið það gott um jólin og njótið þess með þeim sem ykkur þykir vænt um. Það ætla ég allavega að gera.

 *Jólaknús*

 Jólakveðja Vallý

Jibbý ég á afmæli í dag og er 22ja ára í dag.

Það er nú ekkert planað í dag, Steini er að vinna til kl. 18. Svo ég er bara ein heima. Ætli ég fari ekki bara útí búð og kaupi nammi og skelli jólamynd í tækið og bíði eftir litla kraftaverkinu mínu. Ég hef allavega ekki mikið meira að gera, þar sem ég er búin að gera flest allt sem tengist jólunum og barninu. Mig langar bara svo í litla krílið mitt núna. Það yrði besta afmælisgjöf í heimi. En ég bíð bara eins þolinmóð og ég get. Kannski vill krílið ekkert koma fyrr en á næsta ári, hver veit! Ég er samt búin að vera með svo mikla fyrirvaraverki að ég vona að krílið fari að láta sjá sig.

Allt gott að frétta af húsinu. Eða það gengur allavega mjög vel miðað við aðstæður. Þannig er mál með vexti að það var vitlaust dregið (rafmagnið) í húsið, sko útveggina á húsinu svo það er búið að vera heljarinnar föndur að laga það. Taka niður fullt af gifsplötum og koma fyrir rörum og svona skemmtilegheit. En þetta er allt að smella, það er semsagt komnir upp allir milliveggir og ég held að það sé alveg búið að leggja rafmagnið og þeir eru nýbyrjaðir að loka milliveggjunum. Svo ætlar Raggi Halldórs að koma í lok vikunnar og mæla fyrir innréttingum. Vona að hann láti sjá sig. Svo getur málarinn farið að sparsla sem fyrst, það á að heilsparsla svo það eru ekki komið upp loftarþiljurnar. Við erum allavega mjög ánægð með hvernig gengur og við erum rosalega heppin hvað smiðirnir eru duglegir. Svo kom rafyrkinn líka strax og já þeir eru bara að standa sig og ég mæli sko með þeim. Engin svik í gangi þar á bæ.

En já ég ætla ekkert að hafa þetta lengra í dag. Ætla að fara og sturta mig og solleis. Ég verð heima í dag ef einhverjum leiðist hehehe

Kiss kiss :* :*

Hann á afmæli í dag

Hann á afmæli í dag

Hann á afmæli hann Steini minn

Hann á afmæli í dag!!!!

Til hamingju með daginn ástin mín! Ég elska þig mest í heimi!!! :*

Við fórum á föstudaginn í Rvk, kíktum í EGG og Rúmfatalagerinn. Það er svo gaman að fara þangað. EGG er geggjuð búð, allt mjög nýtískulegt þar inni en alls ekki dýrt. Bara verðlag sem eðlilegt fólk hefur ráð á. Svo klikkar rúmfatalagerinn ekki hehe. En vá við völdum okkur kannski ekki besta dag í heimi. Föstudagurinn 1.des, úff það var sko mikil traffík. Við vorum í 50 mínútur að komast úr Hafnarfirði í Smárann takk fyrir.

Um kvöldið fórum við út að borða með Halldóru systur Steina, Hreggviði manninum hennar og Dísu litlu systur Steina. Við fórum á Madonnu og fengum dýrindis þriggjarétta máltíð. Namm ég fæ bara vatn í munninn. Við fengum okkur humarsúpu í forrétt, það er sko uppáhaldið okkar. Svo fékk ég mér lamb og Steini naut. Í eftirrétt fengum við súkkulaðifrauð með rjóma. Þetta bragðaðist allt rosa vel. Við skemmtum okkur konunglega og hlóum eins og asnar. Sumir eru bara rosalega fyndnir! Svo var náttla dagur rauða nefsins og brandarar í hámarki!!! Hahaha

Við tókum því svo rólega á laugardeginum. Ég skellti mér í smá göngu með Skvísu mína. Það er bara yndislegt að vera úti þegar það er snjór og frost. Loftið er svo tært, ég þurfti samt að labba mjög hægt þar sem það var svo mikil hálka og ekki á ég naglaskó. Við skautuðum oft á tíðum hahah bara fyndið. Ég fékk samt hlaupasting í bumbuna eftir svona 15 mín og það er brjálæðislega óþæginlegt. Þannig að ég dreif mig heim, eða réttara sagt sniglaðist heim hahah. Svo um kvöldið var saumó hjá Hafrúnu. Þar voru engar smá kræsingar, nammi namm. En það er alltaf gaman að hitta stelpurnar, það vantaði bara Stínu stuð. Það verður einmitt næsti saumó stílaður inn á hana, semsagt í kringum jólin. Spurning hvort ég komist í hann, vonandi verð ég komin með krílið mitt í fangið þá.

Ég eignaðist lítinn frænda í gær, þann 2. desember. Hann Snúður Oddsson er kominn í heiminn. Til hamingju Elsku Ásta og Oddur. :* Hann er algjör gullmoli, með kolsvart hár.

Svo í dag þá rifum við okkur eldsnemma á fætur og brunuðum í Rvk. Við fórum í Austurberg að horfa á Víðisstrákana keppa á Íslandsmótinu innanhús. Þetta voru 3 leikir og þeir unnu þá alla. Unnu sem sagt riðilinn, til hamingju með það strákar.

Svo komum við heim og ég var svo rosalega þreytt að ég fór uppí rúm að kúra.Við ætlum bara að hafa það kósý í kvöld, Steini er að fara að vinna eldsnemma á morgun.

Hafið það gott elskurnar mínar! Kiss kiss :* ...endilega skrifið í komment, ég hef svo gaman af því.

Komiði sæl og blessuð!

Nú styttist sko í jólin! Bara 29 dagar til jóla. Mig langar helst að fara að skreyta allt hátt og lágt. Ég er sko löngu farin að hlusta á jólalögin, þau klikka ekki. Ég bakaði smákökur um daginn og þær klárðuðust á 2 dögum svo ég bakaði á fimmtudaginn 2falda uppskrift. Ég er svo dugleg heheh, Jón Bragi er samt duglegastur að borða kökurnar. Það er nú bara í fínasta lagi, þetta má ekki liggja undir skemmdum. Ég er búin að vera að dunda mér að pakka inn jólagjöfunum sem við keyptum í Ameríku. Á bara eftir að pakka inn örfáum gjöfum, svo á ég líka eftir að kaupa 4 gjafir. Ég er að reyna að vera tímanlega í þessu svo ég geti notið þess að vera með krílinu mínu þegar það kemur.

Síðustu helgi var ég á spítalanum. Ég var búin að vera með svo mikla verki og lítið búin að sofa alla vikuna, nánast ekkert. Ég var með svaka verki á fimmtudeginum og alla nóttina. Ég sat bara uppí rúmi bein í baki að reyna að sofna eitthvað. Heheh ferlega bjartsýn að sofna í sitjandi stöðu, en það var skársta staðan, ég fann svo til í öllum hinum stöðunum. Ég var stanslaust að fara framúr, á klósettið og bara til að reyna að slaka á bumbunni. Það endaði með því að ég fór eldsnemma á fætur. Ég lagaði neglurnar á Rósu minni um 10 leytið og svo var ferðinni heitið í Rvk með Írisi systir að kaupa afmælisgjöf handa mömmu og fleira. (Ég er svo fyndin ég gat varla gengið og ég ætlaði í kringluna haha) Ég hennti mér fyrst í sturtu og gerði mig sæta. En áður en við fórum þá talaði ég við mömmu og hún sagði mér að fara uppá spítala. Ég var nú ekki alveg að nenna því, því seinast þegar ég var að drepast þá var ekkert að mér, fékk rosa flott svar frá Konna "suma verki fær maður aldrei að vita hvað er" Ég var ekki alveg að nenna að heyra það aftur. Steini og strákarnir voru að fara að vinna í húsinu og ég ætlaði sko ekkert að vera að trufla það fyrir eitthvað smotterý. (Sko hann hefur alltaf komið með mér í skoðanir nema þarna.) Svo ég lét mömmu bara koma með mér. Við fórum uppá spítala um kl.14:30 Ég var send í rit og það mældust stuttir samdrættir og ég var komin með 1 í útvíkkun, þannig að þau vildu halda mér allavega fram á kvöld. Um kvöldið var ég ennþá með verki og var ekkert búin að ná að sofna svo ég fór aftur í rit og það mældust ennþá reglulegir samdrættir en bara stuttir. Þá var ég komin með 2 í útvíkkun. Þannig að ég fékk sprautu í lærið rétt fyrir miðnætti til stoppa samdrættina. Ég náði að dotta í 2 tíma og vaknaði svo aftur með verki kl 3, fékk þá aðra sprautu og náði að sofa til kl. 7. Ég var ennþá með verki þá og fljótlega fékk ég töflu sem á að virka eins nema bara lengur. Ég fékk að fara í leyfi heim á laugardeginum kl 15. Ég fór heim í sturtu og svo í afmælið hennar mömmu, það byrjaði kl. 18 og vorum við þar til kl. 22. Ég var búin að vera með svo mikla verki heima og í afmælinu svo við fórum beint uppá spítala. Ég var látin gista þar aftur og það var dælt í mig töflum. Ég fór heim í hádeginu á sunnudeginum með 2 töflur með mér. Eina sem ég átti að taka kl 21 um kvöldið og eina þegar ég vaknaði svo átti ég bara að taka því MJÖG rólega, helst bara liggja. (Ég átti svo að fá reseft fyrir töflunum á mánudeginum.) Ég gerði það og svo fór ég í mæðraskoðun á mánudeginum. Ljósan vildi að ég myndi hætta á þessum töflum, hún skildi eiginlega ekki afhverju Konráð hefði sagt hinum ljósunum að gefa mér þær. Því þær eru yfirleitt ekki gefnar ef maður er gengin 34 vikur. Ég var gengin 34+ ...svo þegar ljósan sá hvað töflurnar fóru illa í mig þá sagði hún að þetta væri ógeðslegar töflur. Þessar töflur ráðast á hjartað í mér, en eru skaðlausar fyrir barnið. Ég skalf svo hrikalega af þessum töflum að það var alveg agalegt, mér fannst röddinn í mér titra líka. Svo varð ég svo þurr af töflunum, var eins og harðfiskur í húðinni og sífellt þyrst. ...Það er allavega allt í lagi með mig, kom ekkert útúr þvagprufunni, né blóðprufunni og blóðþrýstingurinn í lagi. Púlsinn var náttla aðeins hraðari útaf töflunum. Þannig að ljósan sagði mér bara að gera það sem ég ætti eftir að gera, ég mundi finna það sjálf hvað ég gæti. Hún sagði líka að krílið væri alveg tilbúið og ef það vildi koma núna ætti bara að leyfa því að koma. Ég var alveg verkjalaus á mánudeginum og er búin að vera það síðan, svo þessar töflur hafa greinilega stoppað allt saman.

Þannig að ég og Steini skelltum bara í Rvk og keyptum bílstól og dóterý. Fórum svo aftur á miðvikudaginn og keyptum kommóðu, rúm, vagn, sæng og kodda, og eiginlega allt þetta helsta. Pabbi gaf okkur vagninn og mamma gaf okkur sængina og koddan. Ég á svo yndilega foreldra, það munaði sko helling að fá þetta gefins, þar sem maður þarf að kaupa svo rosalega mikið. Takk elsku pabbi og mamma! :* :*

Svo fórum við Elsa í Rvk í gær að versla aðeins meira. Keypti dýnu í rúmið, hún var sko búin á miðvikudaginn. Svo keypti ég ýkt sætan mjúkan heimferðaútigalla fyrir krílið okkar. Ég ætlaði líka að reyna að kaupa afmælisgjöf og jólagjöf fyrir elskuna mína en ég fann ekki það sem ég ætlaði að kaupa. Fann bara svona gjafir með hehehe .....Ég var alveg gjörsamlega búin á því í fótunum í gær. Ó mæ gad, mér sveið í fæturnar og þeir eru þvílíkt bólgnir.

Þannig að í dag þá ætla ég bara að vera að dunda mér og þvo krílaföt og tjilla. Ég ætla ekki alveg að keyra mér út. Ég held ég þurfi ekki að vesenast mikið meira. Ég ætti að geta reddað mér í Keflavík með restina sem okkur vantar.

Ég var ekkert búin að vera að stressa mig á að gera allt tilbúið, ég var samt búin að skipuleggja þetta allt saman. Hvað vantaði og svo ætluðum við að byrja að kaupa í þessari viku. Heheh ..Ég vona samt að litla krílið okkar komi nú í byrjun-miðjan des. Það yrði alveg týpíst að ég gengi framyfir eftir þetta. En ég ætla ekki að gera það!

Gleymdi að segja ykkur! Maður má ekki eiga í Keflavík nema maður sé genginn 36 vikur. Ég segi að ég sé gengin 36 vikur í dag, en mér var seinkað í 20 vikna sónarnum til 27. des svo að ég er ekki gengin 36 vikur fyrr en 29. nóvember. ...Ég veit betur! hahaha ég er svo fyndin! En það er líklega þess vegna sem Konráð vildi að ég myndi fá þessar stopp-pillur, hann sagði að þessar 2 vikur væru mikilvægar. Svo að eftur mánaðarmót þá ætti allt að vera klappað og klár og vonandi fáum við litla sólargeislann okkar sem fyrst. Kannski fær Steini litla krílið í afmælisgjöf, ég gæti allavega ekki fundið betri afmælisgjöf handa honum!

En hafið það gott kæru vinir og endilega að kvitta fyrir sig!

Knús í krús! :*

Það er náttla bara kalt úti!!! BRrrrrr ekki sniðugt. Þakka fyrir að ég hafi ekki brotið í mér stellið (tennurnar) í nótt/morgun eða kl 05:10. Ég var á leiðinni í vinnuna og ég var með alpahúfuna mína reimda fasta á hausnum, í naflaúlpunni minni (mittisúlpa) og í leðurhönskum, ég meina ég var rosa vel klædd. Svo þurfti ég að keyra af stað og gat varla hreyft mig vegna kulda. Ég stífna svo upp í bakinu og öxlunum þegar mér er kalt og svo fór kjálkinn á mér á fullt og ég glumdi tönnunum saman á billjón. Ég réð ekkert við þetta, svo var ég að reyna að hreyfa mig aðeins í takt við tónlistina til að reyna að hlýja mér, það gekk svona líka vel eða þannig. Bíllinn hitnaði ekki fyrr en ég var komin hjá gólfskálanum, þetta var eins og versta hryllingsmynd. Svo þegar ég var komin á bílastæðið í flugstöðinni þá tók löng ganga við. Þið vitið hvar regnboginn er, listaverkið?! Ég þarf að leggja lengst þar og labba svo alla leiðina inní stöð. Þetta var nógu löng leið í 10 stiga hita en þetta var miklu lengri og erfiðari leið í -5 gráðu hita. Svo voru allir að hlaupa framhjá mér, drífa sig inn en ég var bara eins og skjaldbaka.   Ég verð að viðurkenna það að þetta fór mjög í taugarnar á mér. Arrgg!!  Svo á leiðinni heim úr vinnunni þá var sko ekkert búið að hlýna og ég reyndi að drífa mig eins og ég gat og hlaut í staðinn þennan líka æðislega hlaupasting í bumbuna. Ohh það var svo vont, ég þurfti að halda við bumbuna svo ég gæti haldið áfram. Svo hitti ég Hjörleif vin minn, hann var að vinna fyrir utan flugstöðina, þvílíkur dugnaður. Ég hefði sko ekki getað unnið úti í þessum kulda, tek að ofan fyrir öllum sem unnu úti í dag. En ég spjallaði aðeins við hann en svo var ég bara að drífa mig svo ég yrði ekki að einhverju skrauti þarna, ég var svo frosin. BRrrrrr....!

Heimsins besta mamma mín á afmæli í dag! Hún á stór-afmæli, hún er orðin fertug. Til hamingju með daginn elsku mamma mín. Það verður haldin svaka veisla á laugardaginn, hlakka svaka til. Ég ætla að láta lagið eða textann fylgja sem ég tileinkaði henni árið 2000.

Mamma, þú er mamma mín,

Mamma þú ert sæt og fín

Þú ert rúsínubollan mín

Þú er uppáhalds mamman mín!

Við fórum í 34 vikna sónarinn á mánudaginn. Það gekk mjög vel, krílið er komið í höfuðstöðu. Krílið okkar er í minni kantinum, rétt undir 9 merkur eða um 2200gr. Þannig að það verður í mesta lagi 15 merkur sem er bara flott stærð.

Ég er orðin svo spennt að bíða eftir krílinu. Hlakka svo til, við erum að fara að fara í verslunarleiðangur. Það er víst nóg að kaupa. Þurfum til dæmis að kaupa bílstól, rúm,dýnu, sæng og kodda, sængurver, kommóðu og svo náttla bleyjur og allskonar smádóterý. Við verðum að hafa þetta allt tilbúið, við vitum ekkert hvenær krílið ákveður að koma í heiminn. Ef það kemur um hátíðarnar sem er líklegt þá eru náttla allar búðir lokaðar, þannig að það er eins gott að gleyma engu nauðsynlegu. Ég hlakka svo til að fara að þvo öll barnafötin í stóru ferðatöskunni. Ég held að þetta verði aðeins raunverulegra þegar maður byrjar að stússast í þessu öllu. Við erum byrjuð á foreldranámskeiðinu, við erum búin að fara 1x saman og svo fór Steini í pabbatíma í gær. Svo eru tveir tímar eftir, rosa spennó. Það er rosalega flott aðstaðan en við meigum alveg eins búast við því að fá ekki aðal aðstöðuna. Góður mánuður er víst 20 fæðingar en í desember eru áætlaðar 30 fæðingar.  Þannig að við ætlum ekkert að vera að gera okkur of miklar vonir, þótt það væri gaman að prufa að fara í baðið og svona.

Heilsan hjá mér er samt ekkert búin að vera best í heimi undanfarið. Ég er hætt að getað sofið á nóttunni og hef í rauninni ekkert sofið af ráði í nokkra daga. Ég þarf náttla að sofa á annari hvorri hliðinni og núna er svo mikill þrýstingur niður og verkir að ég get ekki komið mér vel fyrir. Svo klægjar mér svo mikið, er að verða brjáluð. Held að það sé útaf bjúg, veit samt ekki. Mér klægjar svo inní lófana og á fótunum og svo náttla á bumbunni. Eftir að það kom frost þá byrjaði þetta svona svakalega. Ég ber á mig olíu allavega 2x á dag og body butter á líkamann en það er ekki nóg. Ég þyrfti helst að maka á mig á klst fresti. Svo get ég ekki staðið lengi né setið lengi því ég verð svo fljótt þreytt í fótunum og svo er rófubeinið eitthvað búið að vera að stríða mér. Hahaha aðeins að kvarta smá hehehe

Í sambandi við húsið þá eru strákarir að setja ullina í loftið. Síðasta vika fór alveg í ruslið. En vonandi ná þeir að gera helling í þessari viku, þeir verða að mest alla helgina. Við fáum rafmagn á morgun svo þetta verður aðeins þæginlegra. Þeir eru núna að nota einhverja bensínvél til að fá rafmangn og hún eyðir svakalega í þessum kulda, alltaf bensínlaus.

Ég ætla að láta þetta gott heita.

Kveðja Vallý jólabarn sem á von á jólabarni.

p.s ný skoðanakönnun, megið líka endilega skrifa í komment hvað þið haldið!

Hæhæ!

Allt gott að frétta hér á bæ. Ég og Steini áttum 4 ára afmæli í gær þann 2. nóvember.  Við ákváðum að gera okkur glaðan dag og fórum í Rvk út að borða. Við fórum á Caruso, mjög gott að borða þar. Hildur og Bjarki komu með okkur og var bara rosa gaman hjá okkur. Ég fékk mér lambafille og Steini nautalundir. Nammi namm Við drukkum öll pepsí fyrir 1500kr!!! Pæliði í þessu haha ..9 litlar pepsí í gleri. Ekkert smá dýrt hehe.

Við erum rosalega hamingusöm og okkur líður æðislega vel saman. Það verður náttla bara toppurinn á tilverunni þegar við fáum litla sólargeislann okkar í hendurnar. Það eru bara 7 vikur í krílið. Ótrúlega fljótt að líða.

Húsið gengur bara vel. Það er búið að leggja gólfhitann og fleyta. Erum bara að bíða eftir að steypan þorni. Getum byrjað að vinna í húsinu aftur eftir helgina. Svo er hitaveitan líka búin að klára sitt, þannig að við fáum rafmagn eftir nokkra daga. Ohh það er yndislegt að sjá hlutina gerast.

Jólin eru að koma! ...Ég hlakka svo til!

Hæhæ!

Allt gott að frétta af þessum bæ, það styttist í að við fáum húsið afhennt. Þetta hefur tekið soldið langan tíma að reysa húsið, en ég held að það sé vel gert. Smiðirnir eru að reysa fyrsta húsið sitt svo þeir eru aðeins lengur en ráð voru gerð.

Það eru aðeins 10 vikur til jóla, það er svo stutt þangað til krílið okkar á að koma í heiminn. Vá hvað ég er orðin spennt!! Ég ætla að vona að húsið verði komið langt á leið jafnvel tilbúið þegar þau gleðitíðindi eiga sér stað. Fólk hefur komist inn á 5-6 vikum svo þetta á að vera hægt. Við getum bara ekki hafist handa fyrr en við fáum húsið afhennt. Vonandi verður það fljótlega í næstu viku. Ég geri samt alveg ráð fyrir því að það verði ekki fyrr en í fyrsta lagi næstu helgi, miðað við hvernig allt hefur þróast. En það verður léttir!!

Ástin mín er farinn að blogga. Þvílík harka í honum, endilega kíkið á kroppinn og kvittið fyrir komuna. http://blog.central.is/steinikroppur 

Í dag var prinsinn hjá Halldóru (systir Steina) og Hreggviðs skírður. Hann hlaut nafnið Andri Fannar. Mér finnst það rosa flott nafn og óska honum og fjölskyldu til hamingju.

Hann var skírður á Dalvík og langaði okkur rosalega að fara en ég fékk ekki frí í vinnunni. Ég er ýkt fúl enda fór ég að grenja!!! Ég bað um frí á þriðjudaginn og þá voru of margir búnir að fá frí. Váá mér fannst þetta þvílík höfnun og fékk kökk í hálsinn. Það er alltaf þvílíkt lítið að gera á laugardögum og sunnudögum, allavega miðað við hina dagana. Svo er verið að flytja búðina og allt í óreiðu. Ég gat ekki fengið neinn á hinni vaktinni til að vinna fyrir mig því það var öllum frjálst að mæta alla helgina á útkalli. Það er náttla feitur peningur sem maður fær fyrir útkall. Það er greinilega ekki tekið mikið tillit til manns, fólk fær frí trekk í trekk til að djamma en svo þegar ég bið um frí til að fara út á land í skírn þá er sagt NEI. Ég er svo brjáluð, því það vantaði alls ekkert fólk, það var allt morandi í fólki og allir fyrir öllum. Ég var eiginlega bara fyrir, enda á ég ekkert að vera að stússast í svona flutningum komin 7 mánuði á leið.

Svo er það saumó í kvöld, alltaf gaman að kjafta og éta.

Hef þetta gott í bili! Knús!

Jæja loksins kem ég með fréttirnar sem allir eru búnir að bíða eftir! Húsið okkar kom í gær og var byrjað að reisa það í dag. Það eru semsagt allir útveggirnir reystir nú þegar og á að setja þaksperrurnar á morgun. Ég get varla lýst gleði minni yfir þessum tíðindum. Það var ekkert smá gaman að keyra upp eftir í dag og loksins komið hús!!! Ég er ekki frá því að ég hafi keyrt framhjá með sólheimaglottið hehehe. Ég þorði ekkert að fara útúr bílnum því ég var ein og það voru nokkrir karlar að vinna, voða duglegir.

Núna er þessi leiðinlega bið búin og tekur nú við skemmtileg bið. Eða núna fer maður að sjá allt gerast. Reyndar er sodið knappur tími til jóla eða 12 vikur. Pælið í því!!! Steini ætlar að koma okkur inn fyrir jól, ég náttla vona að það takist en ég verð ekkert fúl ef það klikkar. Við komumst þá bara inn í janúar eða eitthvað! Þetta ætti alveg að takast ef við verðum ekki meira svikin, og við gerum ekki ráð fyrir fleirum svikum.

Á morgun er ég komin 28 vikur á leið. Semsagt bara 12 vikur eftir ef barnið kemur á réttum tíma. Mér finnst það soldið stutt eftir. En okkur líður bara mjög vel og erum bara mjög hress. Ég er að minnka við mig vinnuna og byrja í 50% á morgun. Mikið verður það þæginlegt. Það er mjög erfitt að vinna í svona loftleysi og mannfjölda. En barnið okkar er algjört krútt. Það er alltaf að reyna að komast út úr maganum, spyrnir alveg rassinum í mig hehe, ég er mjög oft með skakka bumbu og núna undanfarið mjög harða. Mér finnst það bara fyndið, ég held að þetta verði húmoristi eins og pabbi sinn. Mikið verður gaman að fá krílið í hendurnar, ég er samt ekkert farin að bíða sko. Mér finnst mjög gaman að vera með barn í maganum, bara yndisleg tilfinning, sérstaklega þegar maður finnur og sér barnið hreyfa sig. Ég er búin að vera að semja við krílið að koma um miðjan desember, svo er spurning hvort það sé vilji barnsins, það ræður jú ferðinni.

En ég ætla að hafa þetta gott í bili. Takk fyrir að kommenta og endilega haldið því áfram!!!

Risa knús!

Jæja þá erum við komin heim og svona nokkurn veginn búin að koma svefnminstrinu í rétt gang. Það er nefnilega 5 tíma mismunur.

En við komum semsagt út á þriðjudagskvöldi, vorum komin uppá hótel rétt yfir kl.19 á amerískum tíma. Við vorum svo löt og þreytt eftir flugið að við ákváðum bara að panta okkur pítsu og kók uppá herbergi og horfa á Rockstar Supernova. Þetta var fínn þáttur og við ánægð með okkar mann. Svo fórum við bara snemma að sofa.

Miðvikudagur: Váá ég veit ekki hvað við vöknuðum oft um nóttina. Ég vaknaði allavega 5x, var orðinn voða pirruð. Við náttla sváfum með lak og teppi, sem mér finnst ekkert sérlega þægilegt. Ég vef nefnilega sænginni alltaf undir bumbuna en það var bara viðbjóðslega óþæginlegt að troða teppinu undir bumbuna, þannig að ég var með risa kodda. Það vandist svosem. ...Það endaði með því að við drifum okkur á fætur fyrir klukkan 8 og skelltum okkur í sturtu. Ég panntaði mér amerískar pönnukökur og vatn í morgunmat uppá herbergi. Nammi namm! Svo tókum við taxa í Walmart og gerðum þar alveg kosta kaup. Við versluðum alveg troðfulla körfu af allskonar dóterýi, aðallega barnadóterýi samt. Þurftum að taka okkur smá pásu um 11 leytið og settumst þá á Macdonalds og fengum okkur í gogginn og hvíldum fæturnar. Heheh Svo þegar við vorum búin að hlaða okkur þá héldum við áfram að versla. Það er svo margt hægt að fá í þessari búð. Mér finnst hún algjör snilld, sumir eru soldið snobbaðir á Walmart en ekki ég. Bíðiði bara þangað til ég sýni ykkur allt það flotta sem við keyptum þar!!! Svo þegar við vorum búin að versla og vorum að fara að borga þá fékk Steini smá í magann. Hann hélt að við værum að eyða öllum peningunum okkar í fyrstu búðinni okkar. Hehe svo þegar hann heyrði hvað þetta kostaði þá var mínum manni sko létt. "Ég hélt að þetta myndi allavega kosta helmingi meira" Borgar sig að versla í Walmart! hehe En við vorum allavega með stóra ferðatösku með okkur og fylltum hana og þurftum að halda á 4 pokum. Þannig að við ákváðum að fara uppá hótel með allt dóterýið sem við keyptum og komum því fyrir í aðrar töskur. Svo klukkutíma seinna fórum við með taxa í Babys ´r us og þar var náttla verslað sittlítið af hverju. T.d. pela og pelahitara, brjóstapumpu og svo náttla föt á okkar barn og önnur börn. Svo fórum við í íþróttabúð sem var þarna í sömu lengjunni og versluðum nokkrar jólagjafir. Þegar við vorum búin að versla þar, þá biður Steini afgreiðslufólkið að hringja á taxa fyrir okkur. (Ég beið sko úti með töskuna góðu.) Þá var bara hnulla símaskrá skellt niður fyrir framan hann. Steini bara já takk fyrir kærlega!!! Fallega!!! Ég bíð bara fyrir utan í steikjandi hita og þá kemur kona til mín. Vantar ykkur far einhvert? Ég eins og auli vissi ekkert hvað ég átti að segja því ég sá Steina ekki. Þá sagðist konan ekkert vera vön því að bjóða ókunnugu fólki far. Sagðist vera á leið heim úr vinnunni því hún væri með svo mikinn hausverk. Sagði svo ég sé bara að þú ert ólétt og svo virtist maðurinn þinn vera svo fínn þannig að ég ákvað bara að bjóðast til að skutla ykkur einhvert. Já segi ég hissa og þá kemur Steini út úr búðinni skrýtinn á svipinn. En okkur leyst svo vel  á kelluna að við létum hana skutla okkur í aðra íþróttabúð sem var ekkert svo fjarri. Þetta var alveg yndælis kona á svaka fínum gull jeppling. Við buðumst til að borga henni eitthvað fyrir farið en það vildi kellan ekki. Svo fórum við í íþróttabúðina sem var svo ekkert spes þannig að við hringdum í einn taxakall sem við vorum búin að fá númerið hjá og hann kom og pikkaði okkur upp. Svo fórum við bara uppá hótel og gengum frá dótinu. Ekki lélegt að fylla töskuna 2x á einum degi. Svo fórum við niður á veitingarstaðinn Green Mill og fengum okkur steik að borða. Fórum svo upp í herbergi og horfðum á úrslitaþáttinn í Rockstar. Við vorum mjög glöð með úrslitin. Við vildum sko ekki að Dilana myndi vinna, hún er alveg búin að skíta uppá bak. Fæ hroll þegar ég sé hana.

Á fimmtudeginum þá var líka vaknað snemma og skellt sér í sturtu. Við fórum niður á Green Mill og fengum okkur morgunmat. Svo tókum við skutluna í Mall of America. Við vorum nú ekki lengi að fylla töskuna þar heldur. Svo sáum við lítinn veitingarstað og ákváðum að fá okkur eitthvað þar. Þetta var ítalskur veitingarstaður heitir eitthvað Tucci Balucci. Svo var þetta bara risastaður hehe en okkur var vísað til borðs við hliðina á einhverju fólki. Það var svona meter á milli borðanna. Svo kemur þjónninn og segir okkur matseðilinn, talaði reyndar allt alltof hratt fyrir mig, ég skildi bara aðra hverja stetningu. En súpa dagsins átti að vera alveg frábær og við pöntuðum okkur eina saman. ....JAKKK þetta var ógeðslegasta súpa sem ég hef á ævi minni smakkað! Það var svo mikið jukk í skálinni að súpan var loðin! OHH ég fæ alveg klígju! En svo fengum við okkur kjúkling í aðalrétt. Á meðan við biðum eftir matnum þá heyri ég fólkið á næsta borði vera tala um eitthvað asnalegt. Svo ég segi við Steina, hvað eru þau eignlega að tala um? Þannig að við fórum að hlusta hehe Þá voru þau semsagt bæði gift og áttu börn og voru að tala um hvað þau gerðu. Konan talaði miklu meira og hærra heldur en maðurinn. Ég var farin að velta því fyrir mér hvort hann væri einhver ráðgjafi eða eitthvað. En svo kom annað á daginn! Konan segist elska manninn sinn útaf lífinu en þau voru bara að nota hvort annað. Maðurinn ynni voða mikið og myndi borga allt og hún þreif húsið og eldaði og sæi um heimilið. Þau voru bara voða sátt við þetta fyrirkomulag. Svo segir konan að maðurinn hennar gæti bara ekki fullnægt sér, þyrfti að nota viagra og eitthvað vesen. Hahhaha ég hélt við myndum skella uppúr! En hún sagðist bara þurfa sitt, vildi samt ekkert vera nein vændiskona. Ég og Steini vissum ekkert hvernig við áttum að vera og vorum alltaf að passa okkur að þau sæu ekki að við værum að hlera. Svo ákvað fólkið að fara og afgreiða málin! hahaha ég hef aldrei verið vitni af jafn miklu rugli!!! Ó mæ gad!! ...En eftir matinn þá héldum við áfram að versla og fórum svo uppá hótel. Svo fórum við aftur í mollið og sóttum myndirnar okkar úr framköllun og borðuðum á Ruby Thusday. Svo fórum við uppá hótel að glápa á tv-ið.

Á föstudeginum fórum við líka í mollið og versluðum og versluðum. Borðuðum svo á Green Minn og horfðum við á sjónvarpið um kvöldið!

Á laugardeginum vesluðum við og enduðum kvöldið á Hooters! Þetta voru nú bara voða venjulegar stelpur, sumar meira að segja tjobbí. Við vorum þarna inni í svona klst. og á þeim tíma komu 3 sem áttu afmæli. Já og þvílíku gelgjutaktar!  Úfff þær löbbuðu allar í röð og lömdu á tré-frispídisk og sungu einhvern asnalegan afmælissöng. Aðalpían öskraði eitthvað (ramm fölsk) og þvílík gleði!! En aðalpían sá einmitt um okkur. Ég ætlaði nú að fá mynd af henni og Steina, en hann vildi það ekki. Hehe Hooters-píurnar voru klæddar í hvítan stuttermabol merktur Hooters og svo í skær appelsínugulum þröngum glans-stuttbuxum, nælonsokkabuxum, hvítum háum sportsokkum sem voru krumpaðir niður og í hvítum strigaskóm. Algjörar glæsipíur hahaha

Á Sunnudeginum  fórum við í Target til að kaupa okkur ferðatöskur svo við kæmumst heim með allt dótið sem við keyptum. Þar var náttla keypt mikið meira en töskur. Það er svo gaman í þessum búðum. (Steini er ekki alveg sammála mér) hehe Svo fórum við í mollið og versluðum meira.

Á mánudeginu fórum við svo í mollið í sjávardýragarðinn. Hann er á neðstu hæðinni. Geðveikt flott, það er gler í loftinu og á hliðunum og svo synda allskonar fiskar í kringum mann. Geðveikt að sjá hákarlana, sköturnar og alla þessa skrýtnu fiska á öllum hliðum. Svo skelltum við okkur í dýragarðinn. Hann var í hálftíma frá mollinu og hann var nú ekkert spes. Eða jú hann var öllu heldur spes. Það var svo langt á milli dýranna og stundum bara eitt dýr til að sjá. Okkur fannst þetta hálf glatað. Svo var svona mini-lest sem fer með fólk í ferð og við ætluðum í það en þá var fullt í það og við nenntum ekki að bíða lengur og fórum uppá hótel. Svo fórum við í mollið og þá var ég sko komin í verslunarstuð og keypti mér loksins eitthvað á sjálfa mig. Ég var þvílíkt lukkuleg með mig. Svo fórum við á Fridays og snæddum kvöldverð. Fórum svo uppá hótel og horfðum á tv-ið

Á þriðjudeginum sváfum við til 11 og fórum niður í tölvuna og svo fengum við okkur pítsu á Green Mill. Fórum svo í mollið í 2 tíma að slæpast! Þorðum ekki að versla meira! Ég fékk mér Cinnabon, nammi namm! Svo fórum við fljótlega á flugvöllinn. Og þar gekk allt eins og í sögu.  Svo lenntum við á miðvikudagsmorgninum.

Þetta var bara svaka fín ferð. Náðum að versla allt sem við ætluðum okkur. Það er semsagt risastór taska með fötum og dóterýi troðfull fyrir okkar barn, en hún er læst! Það fær enginn að sjá fyrr en í desember. Svo versluðum við allar jólagjafirnar!!! og svo eitthvað fyrir nýja húsið og fullt af sængurgjöfum og afmælisgjöfum.

Vááá ég held ég hafi aldrei bloggað svona mikið, vona að þið nennið að lesa þetta allt saman. Endilega kvittið fyrir ykkur, gaman að sjá hverjir eru að fylgjast með!